Facebook Badge

Friday, May 1, 2009

Lik Pilah...(25-26 April 2009)

Semekom...
Nia eden nk cito nih ha...
Lamo bona da eden x update blog eden nih ha..
Bukan apo do, eden bz bobona skunk nih...
Minggu lopeh lik kg kek Pilah...
Peh jo lik kg toruih den poie bokursus kek INTAN 4 aghi...
So, skunk nih den nk hapdet la lik blog eden nih ha...
Kito mulo ngan cito mcm tajuk kek ateh nih yo...

Pado 25-26 April lopeh, den lik kg kek Pilah (Kuala Pilah, Negeri Sembilan)...
Namo kg den tuh Kg Ampang Tinggi...kigho ae jarak tang sini daghi Somban ado la kek sojam kot...

Den lik nih bukan po do...lamo bona dah x lik kg jongok atuk uwan...rindu amek2 la sonang cito...
Kigho ae sambil2 lik kg nih leh la gak rehat2kan minda, cuci mato tgk keindahan alam...
Yolah kan, kek kg nih lain panorama ae kok nk banding mo Klumpo...


Bilo da lik kg nih kan, mako xtvt moghambu tuh makin kuek la...poie pokan Pilah la jwb ae...

Ingat laie maghin maso skolah kek sini (SMKDAS Tg Ipoh), kigho ae pokan Pilah nih tompek wajib la dak2 skolah sinia moghambu (nk plg vass laie poie lopak Somban la...huhuhu). Poie lak nek Unitedbus (objek pengangkutan rasmi...hehehe).

Tp la nih da usio makin tuo nih kan poie la Pilah toghimbau lik zaman2 skolah dulu...jongok lik tompek lepak2 ngan dak2 nih sumo...huk huk!!!

Tompek ptamo den tuju Pasar Basah Pilah sbb dah lahap bona nk balun Rojak Mee Pilah...

Mmg diakui Ho Liaw!!! Mughah yo spinggan RM3.50 jo...tuh pun x konyang2 balun spinggan...
Pehtu lak p lak kek Bus Stand Pilah...
sbb nak pokono Cendol Pilah lak...

Pun mughah yo lam RM1.30 semangkuk...tuh pun kalo yg besonyo la. Kok nk tambah isik2 lain cam jagung ko, kacang ko tambahla duit ae kan...Pehtuh poie lak caghik signature dish Pilah nih..........
Biskut Panjang!!!
Ado stongah tompek panggey bisikut nih Biskut Lutut tp pado den la mmg x leh celen kosodapan bisikut panjang tang Pilah nih especially yg brand AZAN. Sambil makan cicah lak mo Teh O paneh xpun Kupi Pokat...perghhhhh mmg marbeles!!! Dah lopeh montokodaghah tuh, den pun poie la baya duit parking. Mughah yo 30 pusen sojam...huhuhu

Den pun ado la gak snap skit gamba pokan Pilah nih utk koghang nengok2...

4 comments:

ayin said...

bab unitedbus 2 yg x tahan,ingt zaman sekolah maghin kek teknik juasseh n TK...uhuhuhu

lazyfzeeza said...

etau sompek gak ko nek bas United tuh?den sompek nek dr jaman bas yg cam lipan tuh smpi la bas yg cam kotak nih...huhuhu

IrinaSairah said...

uisy...terbelit urat mata duk baca loghat pilah ni ha...

lazyfzeeza said...

uiks....urat mata or urat lidah?huhuhu...